14 shildede Qazaqstan Respýblıkasynyń Ortalyq saılaý komısıasynda Memleket basshysynyń 2017 jylǵy 13 shildedegi Jarlyqtarymen taǵaıyndalǵan QR Parlamenti Senatynyń depýtattaryn tirkeý jónindegi QR OSK otyrysy ótti dep habarlaıdy Qamshy.kz aqparat agenttigi.

Otyrys barysynda Qazaqstan Respýblıkasynyń Ortalyq saılaý komısıasy «Qazaqstan Respýblıkasy Prezıdentiniń Jarlyǵymen taǵaıyndalǵan Qazaqstan Respýblıkasy Parlamenti Senatynyń depýtattaryn tirkeý týraly» qaýly qabyldady.

«Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýsıalyq zańyna sáıkes tirkeýden soń depýtattar qyzmetine kirisedi. Tirkeýden ótken Senat depýtattaryna tıisti kýálik pen omyraýǵa taǵatyn belgi tapsyrýǵa ruqsat etińizder»,- dedi QR OSK basshysy Berik Imashev.

Ortsaılaýkom tóraǵasy Berik Imashev Parlament Senaty depýtattarynyń kýálikteri men omyraýǵa taǵatyn belgilerin tirkelgen depýtattar Aıtpaeva Sáýle Muhanbedıanqyzy, Volkov Vladımır Vasılevıch, Musabaev Talǵat Amangeldiulyna tapsyrdy.

Aıta keteıik, 2017 jylǵy 28 maýsymda elimizde Qazaqstan Respýblıkasy Parlamenti Senatynyń depýtattaryn saılaý ótip, barlyq óńirlerden jáne Astana, Almaty qalalarynan 16 depýtat saılanǵan bolatyn. Olar 2017 jylǵy 30 maýsymda QR Ortalyq saılaý komısıasynda tirkeýden ótti.

Sholýshy: Ásem Álmuhanbet