QR Syrtqy ister mınıstrliginiń baspasóz hatshysy Ánýar Jaınaqov qazaqstandyq 2 myńǵa jýyq azamattyń Túrkıa aýmaǵyna ótýine tyıym salýyna qatysty túsinik berdi, dep habarlaıdy Qamshy.kz aqparat agenttigi.

«Búgin Túrkıadaǵy Qazaqstan Elshiligindegi áriptesterimiz maǵan BAQ-ta jarıa etilgen aqparattyń birshama qate ekendigin habarlady. Sondyqtan sizderge túsindirgim keledi. Bizdiń málimetke sáıkes, Túrkıa İshki ister mınıstrligi «Túrkıa DAISH-pen kúreste» dep atalatyn kitapty jarıa etken. Atalǵan kitapta túrik bıliginiń atalǵan lańkestik uıymmen kúreste qandaı túrli sharalar ótkizetindigi keltirilgen. Kitaptyń sońynda 2011 men 2017 jyldyń aralyǵynda atalǵan lańkestik uıymǵa qatysy bar degen aıyppen nemese kúdikpen ustalǵan túrli elderdiń azamattarynyń sany keltirilgen. Onyń ishinde Qazaqstan, Reseı, Fransıa, Saýd Arabıasy jáne basqa da elderdiń azamattary bar. Bul azamattar  búginde elderine oralǵan da shyǵar. Qazaqstan azamattary 1 900-den asyp jyǵylady», - dedi Ánýar Jaınaqov.

Túrkıa İshki ister mınıstrliginiń DAISH-pen júrgizgen kúres jónindegi baıandamasynda atalǵan uıymnyń sapynda júrgen 1 914 qazaqstandyqtyń bar ekendigi aıtylǵanyn habarlaǵan edik.