Túrkıanyń ońtústik-batys aımaǵynda jer silkindi dep habarlaıdy Qamshy.kz aqparat agenttigi  Lenta.ru saıtyna silteme jasaı otyryp. AQSH Geologıalyq qyzmetiniń málimeti boıynsha, tabıǵat apaty Bodrým kýrortty qalasynan ońtústikke qaraı 10 shaqyrym jerde ornalasqan jáne tereńdigi 10 shaqyrymda bolǵan.

Jer silkinisi shaǵyn sýnamı týdyrdy, onyń amplıtýdasy 25 santımetrge jýyqty quraǵan. 21 shildege qaraǵan túni Mýgla provınsıasynyń gýbernatory Esengúl Djıvelektiń aldyna ala aıtqan málimetteri boıynsha, jer silkinisi saldarynan iri qıraý oqıǵalary bolmaǵan eken.

Jerasty dúmpýleri Egeı teńiziniń jaǵalaýynda da bolǵan, biraq Bodrým jáne Dachı aýdandarynda ol anaǵurlym qatty baıqalypty. Bodrýmda jekelegen eski ǵımarattardyń qabyrǵalarynda jaryqtar paıda bolyp, elektr jaryǵy sóngen. Kóptegen qalalar men eldi mekender turǵyndary kóshege júgirip shyǵypty. Al bılik ókilderi jer silkinisiniń qaıtalanýy qaýpimen turǵyndarǵa ázirge úılerine oralmaýǵa keńes bergen. Oqıǵa ornyna qutqarýshylar jetýde, zardap shekkender týraly aqparat joq.