Keńes barysynda Qazaqstan ekonomıkasyn sıfrlandyrýdyń 2025 jylǵa deıingi egjeı-tegjeıli josparlary talqylandy. Baǵdarlamany tabysty iske asyrý eldiń básekege qabilettiligi jáne ekonomıkanyń barlyq salalarynda eńbek ónimdiligi ósimin qamtamasyz etýge múmkindik beredi, dep jazady Qamshy.kz aqparat agenttigi Premer-mınıstrdiń baspasóz qyzmetine silteme jasap.  

Memlekettik baǵdarlama tórt basty baǵytty iske asyrýǵa baǵyttalǵan: sıfrlyq ınfraqurylymdy damytý, halyqtyń sıfrlyq saýattylyǵyn arttyrý, ekonomıkanyń bazalyq salalaryn sıfrlandyrý jáne memlekettik qyzmet kórsetý boıynsha elektrondy jáne mobıldi úkimet júıesin jetildirý.

Keńes aıasynda memlekettik baǵdarlama jobasyn sarapshylyq baǵalaý boıynsha otandyq IT-mamandar: «Elteks Alataý» JSHS dırektory N. Jánibekov, «Open IT» kompanıasynyń basshysy V. Kım, Mirusdesk jobasynyń negizin qalaýshy M. Qurmashev jáne basqalary sóz sóıledi.