Almaty oblysy Tuzdybastaý aýylynda turǵyn úıler órtendi, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

Kýágerlerdiń sózinshe, alty úıdi órt shalǵan. Osyǵan baılanysty Talǵar tasjolynyń eki baǵyty da jabyldy. 

QR İİM Tótenshe jaǵdaılar komıtetiniń resmı ókili Rýslan Imanqulov bul aqparatty rastady. Komıtet ókilderiniń málimeti boıynsha, 27 shildede saǵat 22:10 shamasynda Tuzdybastaý aýyly Jibek joly kóshesinde ornalasqan jekemenshik úılerden órt shyǵyp, qasyndaǵy jıhaz sehi etip jasalǵan úıge de ot tıgen. Órtti sóndirýge Almaty oblysynyń Órt sóndirý qyzmetiniń 14 órt sóndirýshisi men 3 tehnıka jumyldyryldy jáne Almaty qalasy Órt sóndirý qyzmetiniń segiz órt sóndirýshisi men eki tehnıkasy kómekke keldi. Órt aýmaǵy shamamen 380 sharshy metr. 

"Shamamen saǵat 00:24-te órt sóndirýshiler órtti aýyzdyqtaı aldy", - dep habarlady Imanqulov.