Aýǵanstan shyǵysyndaǵy Nýrıstan provınsıasynda áskerıler «Talıban» qarýly toptarymen qaqtyǵysyp, 45 sodyrdyń kózin joıdy dep habarlaıdy Qamshy.kz aqparat agenttigi RIA Novostı-ge silteme jasap.
50-den astam lańkes jaralanǵan. Oqıǵa Vant Vıagal okrýginde bolǵan. Jaýyngerlerge 300-ge jýyq sodyr shabýyldady. Sarbazdarǵa áýeden kómek kórsetilgen. Alaıda, áskerılerdiń qansha adamynan aıyrylǵany belgisiz.
Sońǵy ýaqyttary Aýǵanstanda «Talıban» radıkaldy qozǵalysynyń qarýly toptary iri qalalarǵa shabýylyn kúsheıtken. Sebebi aýyldy jerlerde yqpaly kúshti tálipter shaharlardy da óz baqylaýyna alýdy kózdeıdi.
Pikir qaldyrý