Sheteldikterdiń qazaqstandyq vızasy bolsa, kóshi-qon kartalary kerek bolmaıdy.
Úkimet tólqujatynda qazaqstandyq vıza qoıylǵan sheteldikter úshin kóshi-qon kartalaryn alyp tastaý týraly usynysty qoldady, dep habarlaıdy Qamshy.kz aqparat agenttigi Sputnik.kz saıtyna silteme jasap.
Bul jaıynda "Aq jol" partıasynyń baspasóz qyzmeti málimdedi.
Baspasóz qyzmeti habarlaǵandaı, maýsym aıynyń sońynda partıa Qazaqstanǵa keletin sheteldik ınvestorlar men mamandar úshin búrokartıany qysqartýdy usynǵan bolatyn. Qoldanystaǵy erejeler ınvestısıalyq jobalar men jańa kásiporyndardy iske qosqan kezde kedergi bolyp otyrǵanyn aıtqan edi depýtattar.
Vıza bola tura sheteldikterdi kóshi-qon erejesin buzǵany úshin jazalaǵan mysaldar bar. Qujattardy rásimdeý boıynsha uzaq prosesterden keıin sheteodik mamandar keleshekte Qazaqstanǵa oralǵysy kelmeıdi, dep atap ótti partıadaǵylar.
"Damyǵan elderdiń halyqaralyq tájirıbesin eskere kele, Qazaqstan Respýblıkasyna kirýge ruqsat beretin vıza bolǵan jaǵdaıda kóshi-qon kartalaryn toltyrýdy alyp tastaý týraly usynysty qoldaımyz", — dep jazylǵan Úkimet basshysynyń "Aq jolǵa" bergen jaýabynda.
