Ulttyq ekonomıka vıse-mınıstri Mádına Ábilqasymova Vengrıanyń ulttyq kúninde Qazaqstan Respýblıkasynyń atynan sóz sóıleı kelip, vengerlik delegasıany osy oqıǵamen quttyqtady jáne Qazaqstan men Vengrıanyń arasyndaǵy túrli salalardaǵy ekijaqty yntymaqtastyqty josparly túrde damytý, ózara is-qımyl áleýetin odan ári kúsheıtý úshin jaǵdaı týǵyzýdy atap kórsetti, dep jazady Qamshy.kz aqparat agenttigi.
«Ótken jylǵy qazanda Qazaqstan men Vengrıa arasyndaǵy Strategıalyq keńestiń birinshi quryltaı májilisi ótkizildi, Qazaqstandyq-vengerlik ekonomıkalyq yntymaqtastyq jónindegi úkimetaralyq komısıanyń besinshi otyrysy bolyp ótti. Eki elden 150 bıznesmenniń qatysýymen bıznes-forým tabysty ótkizildi. 2016 jyldan bastap qazaqstandyq-vengerlik tikeleı ınvestısıalardyń ınvestısıalyq qory agroónerkásiptik keshen salasyndaǵy jobalardy qarjylandyrýda óziniń belsendi qyzmetin bastady. Qazirgi ýaqytta jetekshi vengerlik kompanıalar Qazaqstanda tabysty jumys isteýde. Máselen, 50 birlesken kásiporyn jumys isteýde, taraptar olardyń sanyn kóbeıtýge múddeli bolyp otyr», - dedi QR UEM ókili.
Mádına Ábilqasymova sondaı-aq Qazaqstan jáne Vengrıa arasyndaǵy baılanystyń ortaq tarıhı tamyry ózara qarym-qatynasty nyǵaıta túsetinin atap ótti.
Onyń aıtýynsha, 2017 jylǵy birinshi jartyjyldyqta eki el arasynda ózara saýdanyń jandanǵany baıqalady. Statısıkalyq málimetterge qaraǵanda, taýar aınalymy ótken jylǵy uqsas merzimmen salystyrǵanda 1,6 ese ulǵaıdy jáne 80 mln. AQSH dollaryn qurady.
A.j. maýsymda Astana men Býdapeshttiń arasynda tikeleı áýe qatynasy ashyldy.
