Aqmola oblysy TJD jedel-qutqarý jasaǵy Qopa kólinde jaǵalaýdan 50 m qashyqtyqta sýǵa bata bastaǵan adamdy qutqaryp qaldy. Bul týraly Qamshy.kz aqparat agenttigi Aqmola oblysy TJD baspasóz qyzmetiniń málimetine súıenip habarlaıdy.
Qutqarý sharalaryn qoldanyp, er adamdy qutqarý bólimshesine jetkizgen, oǵan birden alǵashqy medısınalyq kómek kórsetilgen. Zardap shekken adam 1961 jyly týǵandyǵy, mas kúıde bolyp, jaǵalaýǵa óz betimen júrip jetýge shamasy bolmaǵany anyqtaldy. Qutqarýshylardyń der kezindegi is-qımyldarynyń nátıjdesinde aýyr qaıǵynyń beti qaıtaryldy.
Jedel-qutqarý jasaǵy azamattardyń qaýipsizdik qaǵıdalaryn saqtaýyn: arnaıy jaǵajaılarda shomylýyn, masań kúıde sýǵa túspeýin, jalǵyz jáne túngi mezgilde sýǵa túspeýlerin, ata-analardyń sý aıdyndary jaǵalaýynda balalardy baqylaýsyz qaldyrmaýyn suraıdy.
