OQO-da 107 aýyl ákimi saılandy. Bul týraly OQO Óńirlik komýnıkasıalar qyzmetinde ótken baspasóz konferensıasynda OQO Ortalyq saılaý komısıasynyń tóraǵasy Álibek Ómirálıev habarlady. Aıtýynsha, 2017 jyldyń 7-24 tamyz aralyǵynda ótken aýyl okrýgteriniń ákimderin saılaý naýqanyna 95 okrýg boıynsha 320 úmitker tirkelse, onyń 302-i er, 18-i áıel. Tirkelgenderdiń 264-i «Nur Otan» partıasynyń músheleri. Al qalǵandary partıalylyǵyn kórsetpegen. Bıyl dodaǵa túskenderdiń basym kópshiliginiń jasy elýden asqandar eken dep jazady Qamshy.kz aqparat agenttigi.
«Saılaýdyń qorytyndysy boıynsha 107 ákim saılandy. Saıası naýqan erejege saı ótti. Naýqan barysynda aýdandyq, qalalyq saılaý komısıalary jumys istedi. Saılaýda úmitkerler belsendilik tanytyp, olardyń arasynda shynaıy báseke, kúres boldy.
Aıta keteıik, saılanǵan aýyl ákimderdiń arasynda eń jasy Otyrar aýdany, Shilik aýylynyń ákimi – J.Seıitjanov. Jansultan Ádiljanuly 25 jasta. Al Maqtaaral aýdanynyń Maqtaly aýyl okrýginiń ákimi D.Mamýtov 62 jasta eken. 107 ákimniń 68-i qaıta saılansa, qalǵandary aýyl ákimi laýazymyna alǵash ret saılanyp otyr», – dedi oblystyq saılaý komısıasynyń tóraǵasy dep habarlady OQO ákiminiń baspasóz qyzmeti.
Aıta keteıik, memleket basshysy N.Nazarbaevtyń Jarlyǵyna sáıkes, 2013 jyldan beri aýyl ákimderin saılaý ótkizilip keledi. Sol jyly respýblıka boıynsha 181 aýyl okrýginiń ákimi saılandy. Aýyldyq okrýg ákimderiniń basqa jumysqa aýysýy, zeınetkerlikke shyǵýy, qonys aýdarýy, densaýlyǵynyń syr berýi sıaqty ártúrli sebepterge baılanysty bosaǵan oryndarǵa 2014 jyly – 8, 2015 jyly – 24, al ótken jyly – 42 aýyl ákimi saılanǵan.
