Almaty qalasy İİD-niń resmı ókili polısıa podpolkovnıgi Saltanat Ázirbektiń habarlaýynsha, joǵalǵan eki jastaǵy balanyń máıiti úıdiń ájethanasynan tabylǵan dep jazady Qamshy.kz aqparat agenttigi. Qazirgi tańda oqıǵanyń mán-jaıy anyqtalyp jatyr.
24 tamyz kúni Almaty qalasy İİD Jedel basqarý ortalyǵyna «Shańyraq-2» shaǵyn aýdanyndaǵy úıden kishkentaı balanyń shyǵyp ketip, qaıta oralmaǵany týraly habarlama túsip, jedel izdestirý jumystary júrgizilgen bolatyn. Belgili bolǵandaı 2 jastaǵy bala dalaǵa ózi shyǵyp ketken. Balanyń óliminiń sebebin anyqtaý maqsatynda onyń denesi sot-medısınalyq saraptama júrgizýge jiberilgen.
