2020 jylǵa qaraı Tývalý jańartylatyn energıa kózderi esebinen energıa resýrs qajettilikterin 100% óteıdi. Bul týraly EKSPO-2017 Halyqaralyq mamandandyrylǵan kórmesi aıasynda ótken Tývalý memleketiniń Ulttyq kúni barysynda Syrtqy ister, saýda, týrızm, qorshaǵan orta jáne eńbek mınıstriniń kómekshisi Atabı Evekıa málimdedi. Óz sózinde mınıstrdiń kómekshisi memlekettiń energetıka salasyndaǵy qazirgi jaı-kúıi jáne bolashaq josparymen bólisti, dep habarlaıdy Qamshy.kz aqparat agenttigi EKSPO-2017 halyqaralyq kórmesiniń medıa-ortalyǵyna silteme jasaı otyryp.
Atabı Evekıa: «Tývalý memleketiniń energetıka salasynda qazba otyndy paıdalaný 74% basym, qalǵan 26%-dy jańartylatyn energıa kózderi quraıdy. Osyǵan oraı, araldardyń bytyrańqy ornalasýy men ımporttalatyn munaıdyń baǵasynyń joǵary bolýynan, álemdik naryqtan oqshaý ornalasqan araldyq memleket úshin energetıkalyq qaýipsizdik ózekti máselelerdiń biri bolyp tabylady. Eldegi atalǵan máselelerdi eskere otyryp, bizdiń memleket energıa resýrstary qajettilikterin jańartylatyn energıa kózderi esebinen óteý mindetin aldyna qoıdy», - atap ótti.
Qazaqstan Respýblıkasy Syrtqy ister mınıstrliginiń Azıa jáne Afrıka departamentiniń dırektory Aıdarbek Tumatov Tývalý memleketiniń 2017-2018 jyldar merzimine BUU Qaýipsizdik Keńesiniń turaqty emes músheligine saılaýda Qazaqstan kandıdatýrasyna qoldaý kórsetkendigi úshin alǵysyn bildirip, eki el arasyndaǵy qatynas týraly málimdedi.
«Qazaqstan jáne Tývalý memleketi arasyndaǵy dılomatıalyq qatynas jaqynda ornatylǵanyna qaramastan, eki eldiń halyqaralyq qurylym jáne bastamalar sheńberinde ózara árekettesýi jáne yntymaqtastyǵy qarqyndy júzege asýda. EKSPO-2017 kórme jahandyq taza energetıkany damytý ıdeıalarynyń órkendeýine, qazirgi kezdegi túsinite jańa paraqtyń ashylýyna, sondaı-aq tıimdi yntymaqtastyq úshin jańa múmkindikter beretinine kámil senemin», - qorytyndylady Aıdarbek Tumatov.
Tývalýdaǵy jańartylatyn energıa – energıa únemdeýde qarqyndy damýshy salalardyń biri. Memleket E8 halyqaralyq komersıalyq emes uıymynyń qoldaýymen joba ázirleýde. Atalǵan joba jańartylatyn energıa kózderi esebinen barlyq energetıkalyq qajettilikterdi óteıdi dep josparlanýdy.
