Italıa Úkimeti EKSPO Kórmesine tańdalǵan taqyryptyń mazmuny úshin Qazaqstanǵa yqylasyn bildirdi. Mılandaǵy kórmede Qazaqstan pavılony eń ádemi pavılondardyń biri boldy. Bul Kórme - Azıalyq el uıymdastastyrǵan tórtinshi jáne ortaazıalyq el uıymdastyrǵan alǵashqy EKSPO kórmesi. Bul týraly EKSPO-2017 Halyqaralyq mamandandyrylǵan kórmesinde Italıa Respýblıkasynyń Ulttyq kúnin merekeleý barysynda Italıanyń Ekonomıkalyq damý mınıstriniń orynbasary Ivan Skalfarotto málimdedi. Mınıstr orynbasarynyń aıtýynsha Mılan EKSPO-2015 jáne Astana EKSPO-2017 kórmelereniń taqyryby arasynda ózara baılanys bar jáne eki kórme de jahandyq máselelerdi sheshýge baǵyttalǵan, dep habarlaıdy Qamshy.kz aqparat agenttigi EKSPO-2017 kórmesiniń medıa-ortalyǵyna silteme jasap.
«Qazaqstandy bolashaqqa arnalǵan osyndaı qyzyqty kórmeni uıymdastyrýymen quttyqtaımyn. Kórme elderimizdiń ekonomıkasyna ǵana emes, sondaı-aq álemniń turaqty damýyna da ózindik yqpal etedi. EKSPO-2017 kórmesi álemdik sharaǵa senimmen qatysýǵa sheshim qabyldaǵan Qazaqstannyń jáne onyń halqynyń áleýetin jiti qarastyryp, jahandyq damý salasynda jańa jetistikterge jetýine múmkindik beredi», - dep qorytyndylady Ivan Skalfarotto.
Óz kezeginde Qazaqstan Respýblıkasy Ulttyq ekonomıka mınıstriniń orynbasary Aıbatyr Jumaǵulov Italıanyń Qazaqstannyń syrtqy saıasatynda mańyzdy oryn alatynyn, Qazaqstannyń eýropalyq elder arasynda belsendi ekonomıkalyq seriktesi ekendigin atap ótti. Eldegi iri ıtalándyq kompanıalardyń bar bolýy jáne saýda-ekonomıkalyq yntymaqtastyqtyń qarqyndy damýy oǵan aıqyn dálel ekenin tilge tıek etti..
«Qazaqstan jáne Italıa arasyndaǵy eki jaqty qatynas turaqtylyq pen ózara túsinýshilikpen sıpatalady. Eki el qazaqstandyq-ıtalándyq qatynasty jańa deńgeıge kótergen strategıalyq seriktestik jónindegi kelisim-shartqa qol qoıdy. Memleketterimiz arasynda seriktestik qatynasty nyǵaıta túsirgen óndiristik jáne ekonomıkalyq yntymaqtastyq pen almasý boıynsha qazaqstandyq-ıtalándyq úkimetaralyq jumys toptary jemisti jumys atqardy. Osylaı Qazaqstan men Italıa taýar aınalym kólemi 2017 jyldyń birinshi jartyjyldyǵynda 4 mlrd.798,5 mln. dollardy qurady. Kórsetkish ótken jylmen salystyrǵanda 39% artty(3 mlrd.448,9mln doll. SSHA)», - dedi Vıse-mınıstr.
Sharanyń resmı bóliminen keıin, qonaqtar Italıa mádenıetin tamashalaýǵa múmkindik aldy. Sahnada ıtalándyq tanymal kerneıshilerdiń biri Nello Salsa óner kórsetti. Ataqty mýzykant «Keremet ómir», «Segizaıaq», «Bir kúni Amerıkada», «Stendal sındromy», «1+1» sıaqty túrli fılmderge júzdegen óleńder jazǵan.
Sońǵy jyldary Italıa jańartylatyn energıa kózderi salasynda oń nátıjelerge qol jetkizdi. Italıa Úkimeti Respýblıka óndirisin el ishinde jáne shet eldegi balamaly energıa naryǵynda keńeıtýdi josparlaýda. El «Energetıkalyq jobany» júzege asyrýǵa kiristi. Atalǵan jobaǵa sáıkes Kalabrıa, Kamerı, Kampanıa, Lombardıa, Pýlá, Pemonte, Chırıe qalalary men Sısılıa aralynda 25 jel, fotogalvanıkalyq jáne geotermaldy ázirlemeleriniń qurylysy bastaldy.
Italándyq pavılon EKSPO-2017 kórmesiniń iri pavılondarynyń biri bolyp tabylady jáne Kórmege kelýshilerdi Italıadaǵy energıa óndirisiniń soǵystan keıingi kezeńinen, CO2 shyǵarylymdarynyń kólemin azaıtý, energıa tıimdiligin kóterý jáne balamaly energıany damytý boıynsha sońǵy tehnologıalarǵa deıingi tarıhy jáne evolúsıasymen tanystyrady.
