İlgeride bir jigit elge tanymal dana qartqa kelip, oǵan ózin qınaǵan úlken bir máseleni aıtyp shaǵymdanǵan kórinedi. Sondaǵy aıtpaǵy mynaý eken: "Men áıelimdi alǵash kórgende «Alla Taǵala budan asqan sulý áıeldi jaratpaǵan shyǵar» dep oıladym. Sosyn oǵan úılendim. Qarasam, ol sekildi áıelder kóp eken. Biraz ýaqyt ótkennen keıin odan da sulý áıelderdiń órip júrgenin baıqadym. Jyldar ótken saıyn áıelimniń kórki men tartymdylyǵy kemı berdi, kemı berdi. Basqa áıeldiń barlyǵy men úshin hor qyzyndaı. Munyń syry nede?» - dep suraıdy. Sonda álgi qart: «Saǵan odan da soraqy, odan da qorqynyshty birnárse aıtaıyn ba? Eger sen álemdegi áıel ataýlynyń barlyǵyna úılenseń de sen úshin kóshedegi buralqy ıtter bárinen sulý kóriner edi», - deıdi. Álgi jigit bul sózdi qaljyń dep qabyldap, kúle bastaıdy. Sonda qart sózin jalǵap: «Sebebi, kemshilik seniń áıelińde emes, kemshilik – qanaǵatsyz júrekte, kórseqyzar kózde, toıymsyz kóńilde. Uıat ketken kózdi tek topyraq qana toltyra alady», - deıdi. Sosyn: «Jaryńnyń baıaǵy, álemniń eń sulý áıelindeı bolǵan kezine qaıta oralǵanyn qalaısyń ba? Onda kózińdi erkine jiberme. Bóten áıelderdiń qasynda nazaryńdy tómen salýdy úıren. Óıtkeni, kózdi tyıý – jandy demaldyrady, keýdeni tynyshtandyrady. Áıelińdi sát saıyn sulýlandyryp, janyńdy shattandyrady. Sonda ǵana áıelińmen qanaǵattanyp, januıańdy saqtaısyń», - degen eken...