Búgin Respýblıkanyń basym bóliginde fronttardyń ótýine baılanysty jańbyr jaýyp, naızaǵaı oınaıdy dep kútiledi; burshaq, daýyl bolýy yqtımal.  Respýblıkanyń keı jerlerinde jel kúsheıedi, soltústikte túnde jáne tańerten tuman bolady. Bul týraly QR İİM TJK baspasóz qyzmetine silteme jasap  Qamshy.kz aqparat agenttigi habarlaıdy.

Qyzylorda, Aqmola, Qaraǵandy oblystarynyń keı jerlerinde jeldiń jyldamdyǵy 15-20 m/s-ǵa deıin jetedi dep kútiledi, kúndiz burshaq, daýyl bolýy yqtımal.

Jambyl, Ońtústik Qazaqstan, Qostanaı, kúndiz Aqtóbe, Pavlodar, Shyǵys Qazaqstan oblystarynyń keı jerlerinde jeldiń jyldamdyǵy 15-20 m/s-ǵa deıin jetedi.

Qostanaı, Aqtóbe oblystarynda kúndiz burshaq jaýýy múmkin. Mańǵystaý oblysynda túnde jáne tańerten tuman kútiledi. Soltústik Qazaqstan oblysynyń keı jerlerinde túnde, kúndiz basym bóliginde jeldiń jyldamdyǵy 15-20 m/s-ǵa deıin jetedi, kúndiz ekpini 23-28 m/s-ǵa deıin jetedi, kúndiz burshaq, daýyl bolýy yqtımal.

Kúndiz Almaty, Jambyl, Shyǵys Qazaqstan oblystarynda, Qaraǵandy oblysynyń keı jerlerinde qatty ystyq aýa raıy kútilýde.

Batys Qazaqstan, Atyraý, Qyzylorda oblystarynda, Aqtóbe, Ońtústik Qazaqstan, Jambyl, Qostanaı oblystarynyń basym bóliginde, Almaty, Shyǵys Qazaqstan, Qaraǵandy, Aqmola oblystarynyń keı jerlerinde óte joǵary órt qaýpi kútilýde.