10-11 qyrkúıekte Astanada alǵash ret Ǵylym jáne tehnologıalar boıynsha Islam yntymaqtastyq uıymynyń samıti ótedi dep habarlaıdy Qamshy.kz aqparat agenttigi Astana ákimdiginiń baspasóz qyzmetine silteme jasaı otyryp.

Resmı delegasıanyń qaýipsizdigin qamtamasyz etý maqsatynda elordanyń birqatar kólik magıstralinde qozǵalysqa ishinara shekteý qoıylady.

Qabanbaı batyr dańǵyly, Máńgilik el kóshesi, Qonaev kóshesi, Dostyq kóshesi, Turan dańǵyly, Saryarqa dańǵyly, Abaı dańǵyly, Kenesary kóshesi men Táýelsizdik dańǵyly, Uly dala kóshesinde kólik qozǵalysyna ýaqytsha shekteý qoıylady.

Qalalyq kóshelerdiń júktemesin eskere kele jáne qala joldarynda keptelis jaǵdaılaryna tap bolmas úshin qala bıligi elorda turǵyndary men qonaqtaryna júrý marshrýttaryn aldyn ala josparlap alýǵa keńes beredi.

Esterińizge sala keteıik, IYU samıtin uıymdastyrý Elbasy Nursultan Nazarbaevtyń bastamasy. Memleket basshysy buny 2016 jyldyń sáýir aıynda Ystambulda ótken IYU XIII Samıtinde aıtqan bolatyn.

Astanalyq IYU samıtine barlyq memleketter-IYU músheleri, atap aıtqanda 35 el, baqylaýshy-memleketter jáne birqatar basqa halyqaralyq jáne óńirlik uıymdardyń ókilderi shaqyryldy.

10 qyrkúıekte samıttiń qatysýshylary Astana EKSPO-2017 kórmesiniń jabylý saltanatyna qatysady dep kútilýde.