Aýylda jazǵy demalysta júrgen kezimizde Almaty oblysynda jol aqysynyń kóterilgenin estip biraz ýaıymdap qaldyq. Sebebi, biz sıaqty qalanyń syrtynda oqıtyn san myńdaǵan stýdentterge OŃAI berilmeıdi. Sol sebepten de qalanyń ishinde kúndelikti qarapaıym halyq sıaqty tóleıtin bolamyz. Osy ońaı máselesi «baıaǵy jartas sol jartas» bolyp-aq tur emes pa? Ýnıversıtetimizde oqıtyn kóptegen stýdentter osy jaıly jazyp ta , baryp aıtyp ta júr. Tipti, ol az deseńiz jarty stýdentter kelisimimen qoldaryn qoıǵyzyp, ótinish jasaldy. Alaıda, bizdiń jaǵdaıymyzdy eskere otyryp, óz qoldaýyn bildirip jatqan joǵary jaqtan eshkimdi baıqaı almadym. Kerisinshe, belgili bir sebepterdi alǵa tarta otyryp, kelisimderin bermeıdi.
Stýdentter úshin kúndelikti jol aqysynyń ózi úlken shyǵyndaı kórinedi emes pa? Alys-jaqynnan kelip oqyp júrgen jastarymyzdyń páter , jol aqysyna alańdaýmen kúnderin ótkizip jatqandaryna qatty alańdaımyn. Qazirgi ýaqytta páter baǵasy da tym joǵary. Balalaryn oqytý úshin eshnárseden aıanbaıtyn ata-ana kez-kelgen baǵaǵa kelisimderin berip jatady. Páter jaǵyn ata-ana ózderi sheshe otyryp, asqaqtap turǵan baǵaǵa kózderin jumyp, jaldatqyzyp jatyr delik. Al endi jol aqysyna kelsek qalaǵa shyqqan saıyn 150 teńgeden beretin bolsaq bir aılyq shákirt aqymyzdyń ózi jetpeı qalýy múmkin kórinedi. Árıne, Qaskeleńniń ishindegi jol aqysy burynǵy qalpynda saqtalyp turǵany qýantady. Biraq ta stýdent bolǵan soń aty aıtyp turǵandaı izdempaz jastardyń qala jaqqa qaraı kóp barary anyq. Bar ónerdiń qaınap jatqan ortasynan qalaı tysqary qalýǵa bolady. Tipti, jol aqysyna bola Qaskeleńnen alysqa shyqpaıtyn jastarymyzda jeterlik...
Kúrmeýi sheshilmeı jatqan ońaı máselesiniń ústine, páter jaǵy da qosylyp tur. Aldynda aıtyp ótkenimdeı páter baǵasynyń birden kóterilip ketýine ne sebep ? Oqýǵa keler aldynda turatyn úı izdep, dostaryma habarlasyp edim, baǵalary byltyrǵydan da joǵary bolyp turǵandaryn aıtty. Mysalǵa 1 bólmeli 80-100 myń, 2 bólmeli páter aqysy 120-140 teńgeden. Ata-analardyń , stýdentterdiń birden sary ýaıymǵa salynyp, alańdap ketetinderi anyq ǵoı. Oǵan men páter izdegen kezde habarlasqan talaı ata-ananyń aıtqan sózderi dálel. « Balamnyń armany ýnıversıtette oqý. Men qalaı ǵana onyń bolashaǵyna balta shabamyn. Ózim ash qalsam da, baýyr etip balam toq júrse eken...» - dep tebirene sóılegen aq jaýlyqty analardyń daýsyn estigen kezde ishiń ýdaı ashıdy. Páter turmaq, jataqhananyń da baǵasy arzan emes. Onyń ústine jataqhanada oryn joq . Al úı tappaı sandalyp júrgen stýdentter qonaq úılerdi jaǵalap júrgeni anyq.
Osylaı kóp máseleniń jetegine erip júrgen biz sıaqty talaı jastardy oqýǵa degen yntasy da joǵalyp ketpesine kim kepil?
Aı saıyn páter, jol aqysyn tóleýmen qosa tamaqqa, kıimge ketetin qarjyny da esepteı berińiz. Aıyna alatyn ortasha jalaqylary 30-40 myńnan aspaıtyn aýyldaǵy ata-analardyń bar tapqan-taıanǵanyn baýyr eti balasyna jiberip, ózderi qalaı kún keship jatqany da alańdatady.
Sheshimi tabylmaǵan máselelerdiń barlyǵyn kóre otyryp, bılik basyndaǵy aǵalarymyz el bolashaǵy jastardyń qamyn jasamasa el erteńine qalaı senimmen qaraıdy ekenbiz...
Tilegen Kógershin
