Jeksenbi kúni, 2017 jylǵy 10 qyrkúıekte kórme kesheniniń aýmaǵynda EKSPO-2017 Halyqaralyq mamandandyrylǵan kórmesiniń jabylý saltanaty ótedi dep habarlaıdy Qamshy.kz aqparat agenttigi. İs-sharanyń resmı bólimi Kongres ortalyǵy ǵımaratynda ótedi, alaıda kórsetilim Amfıteatr sahnasynan 20:00-den 20:50-ge deıin júrgiziledi.
10-qyrkúıekte Kórme shtattyq rejımde qyzmet etedi, barlyq pavılondar qonaqtardy 09:30-dan 20:00-ge deıin qabyldaıdy. Aıta keterligi, Kórmege kirý aýmaǵy aldyndaǵy resmı bılet kasalary 09:00-den 18:30-ǵa deıin jáne 22:00-den 00:30-ǵa deıin jumys isteıtin bolady. Al, 19:00-den 22:00-ge deıingi ýaqyt aralyǵynda Kórmeniń barlyq kireberisteri jabylady. Ońtústik jáne batys kireberisteri saǵat 22:00-den bastap qaıta ashylady jáne 01:00-ge deıin Kórmege kelýshilerdi qabyldaıdy.
Pavılondar atrıýmy 22:00-de ashylyp, 02:30-ǵa deıin jumys isteıdi. Osy ýaqyt aralyǵynda halyqaralyq pavılondar ózderiniń konserttik baǵdarlamalaryn usynady. Kórme kesheni aýmaǵyndaǵy meıramhanalar men tamaqtaný ortalyqtary jumystaryn 22:00-den 02:30-ǵa deıin jalǵastyrady.
Konserttik baǵdarlama saǵat 18:00-den 20:00-ge jáne 21:00-den 23:10-ǵa deıin Amfıteatr sahnasynda ótedi, ony EKSPO-2017 kórmesine kirý bıleti arqyly tamashalaýǵa bolady. Kórmeniń jabylý saltanatyna arnalǵan salút saǵat 21:15-te ótedi.
Esterińizge salaıyq, EKSPO-2017 Halyqaralyq mamandandyrylǵan kórmesi Astanada 2017 jyldyń 10 maýsymynda bastalǵan bolatyn. «Bolashaq energıasy» kórme taqyryby energetıka salasynyń qazirgi kezdegi jahandyq máselelerin qamtydy. Kórmege balamaly energıa kózderi salasyndaǵy jańa tehnologıalardy usynǵan 115 memleket jáne 22 halyqaralyq uıym qatysýda.
