Búgin EHRO – 2017 Halyqaralyq kórmesi alańynda QR Premer-Mınıstriniń Orynbasary – Aýyl sharýashylyǵy mınıstri A.Myrzahmetovtyń Dúnıejúzilik jabaıy tabıǵat qorynyń bas dırektory M.Lambertını men WWF Reseı dırektory I.Chestınmen kezdesýi bolyp ótti, dep habarlaıdy Qamshy.kz aqparat agenttigi QR ASHM baspasóz qyzmetine silteme jasap.
Kezdesý barysynda Aýyl sharýashylyǵy mınıstrligi men Dúnıejúzilik jabaıy tabıǵat qory arasynda jolbarystardy Qazaqstanǵa qaıta jersindirý baǵdarlamasyn iske asyrý týraly Memorandýmǵa qol qoıyldy.
«Qazaqstan damýdyń «jasyl» jolymen júrip keledi. Jolbarystardy tarıhı jerine qaıtarýǵa baılanysty osyndaı mańyzdy jobany álem boıynsha alǵashqy bop Qazaq eliniń qolǵa alýy úlken abyroı. Sondaı-aq, baǵdarlama arqyly İle-Balqash aımaǵynyń ekojúıesi tolyǵymen qalpyna keltiriletini de óte mańyzdy», – dep aıtyp ótti A.Myrzahmetov.
Aıta keteıik. 2014 jyly mamyr aıynda Almaty qalasynda qazaqstandyq jáne halyqaralyq sarapshylar qatysqan semınarda İle ózeniniń aýmaǵy jolbarystardy jersindirýge jaramdy ekeni dáleldengen bolatyn.
Osy maqsattardy júzege asyrý jolynda arnaıy baǵdarlama ázirlenip, Nazarbaev ýnıversıtetinde ótken Qazaqstan ulttyq geografıalyq qoǵamy otyrysynyń aıasynda tanystyryldy.
Atalǵan baǵdarlama dúnıe júzindegi jolbarystardyń sanyn 2022 jylǵa qaraı eki esege arttyrýǵa óz úlesin qosady.
Budan bólek baǵdarlamaǵa jabaıy tabıǵatty saqtaý jáne tuıaqty janýarlar (qulan, toǵaı buǵysy) popýlásıasyn saqtap qalý sharalary engizilgen.
Osynyń negizinde Aýyl sharýashylyǵy mınıstrligi 2018 jyldan bastap «İle-Balqash» tabıǵı rezervatyn qurý týraly sheshim shyǵardy.
«İle-Balqash» eko júıesin qaıta qalpyna keltirý keleshek urpaq úshin Balqash ózenin saqtap qalýǵa múmkindik beredi.
