Karıb baseıni araldarynda mıllıonnan asa adam  «Irma» daýylynan zardap shekti. Odan bólek 26 mıllıon turǵynǵa qaýip tónip tur deıdi Qyzyl Kres halyqaralyq komıteti. Bul týraly Qamshy.kz aqparat agenttigi BBC-ge silteme berip habarlaıdy.

Komıtettiń málimetinshe, daýyl saldarynan Barbadostaǵy barlyq ǵamarattar qırap, Pýerto-Rıko turǵyndary elektr energıasyz qaldy. Sońǵy málimetterge sáıkes, daýyl 10 adamnyń ómirin jalmaǵan. Atalǵan komıtet daýyldan zardap shekken turǵyndarǵa járdem retinde 600 myń frank qarajat bólip otyr.

Daýyl óziniń eń maksımaldy deńgeıine jetip,  jyldamdyǵy 300 km/saǵatty quraǵan. Ol Atlantıkadaǵy sońǵy on jylda oryn alǵan eń kúshti daýyl dep baǵalap otyr. Tipti, mamandar «Irma» daýylyn   tamyz aıynyń sońynda Tehasta oryn alǵan  «Harvı» daýylynan da kúshti bolǵanyn aıtady.

Qazirgi ýaqatta daýyl Gaıtıge qaraı bet alǵan. Sodan soń Kýbaǵa, al jeksenbi kúni Florıda shtatyna deıin jetedi dep boljalýda.

«Irma» daýylynan zardap shekken Barbýda araly múldem tirshilikke qolaısyz bolyp qalǵan.