Onymen birge jergilikti kadrdy daıarlaý boıynsha arnaıy baǵdarlamany ázirleý jóninde kelesimge qol jetkizildi, dep habarlady elordalyq ákimdiktiń medıa ortalyǵy dep habarlaıdy Qamshy.kz aqparat agenttigi Astana qalasy ákimdiginiń baspasaóz qyzmetine silteme jasap. 

Kezdesý barysynda «Arabtec Holding PJSC» kompanıasynyń basshylyǵy «Abý-Dabı Plaza» kesheniniń qurylysy aıaqtalǵan soń, Qazaqstan azamattary úshin 2 myń jańa turaqty jumys orny qurylatynyn habarlady.

Taraptar  «Abý-Dabı Plaza» nysanynda jumysqa ıe bola alatyn jergilikti kadrdy daıarlaý boıynsha arnaıy baǵdarlama ázirleý jóninde kelisimge keldi.

«Abý-Dabı Plaza» kesheniniń jobasyn iske asyrýǵa 17 myńnan astam qazaqstandyq qatysty, olardyń 9,5 myńy biliktiligi joǵary qyzmetkerler – ınjenerler, munaraly kran operatorlary, qaýipsizdik tehnıkasy boıynsha mamandar.

Qazirgi ýaqytta qurylysqa 3,5 myń qazaqstandyq azamat tartylǵan.

Jobanyń iske asýyna usynylyp otyrǵan 267 kompanıamen AQSH, Kanada, Ulybrıtanıa, Fransıa, Ispanıa, Irlandıa, Reseı, Ýkraına syndy 43 eldiń azamattary qatysýda.

Aıta keteıik, «Abý-Dabı Plaza» kesheniniń qurylysy 2012 jyly bastalǵan bolatyn. Joba boıynsha ınvestısıa kólemi 1,6 mlrd AQSH dollaryn quraıdy. Qurylys halyqaralyq standart jáne jańa qurylys tehnologıalary boıynsha júrgizilýde.