Qazaqstandyq aralas jekpe-jek sheberi Qýat Hamıtov keshegi ótken jepe-jekte Arman Ospanovtyń brazılıalyq Tágo Lýıs Bonıfasıo Sılvadan jeńilip qalǵanyna ashýly, dep jazady Qamshy.kz aqparat agenttigi.
«Eki apta buryn jergilikti uıymdastyrýshylar maǵan Qazaqstanda aıqas ótkizýdi usynǵan bolatyn. Men oǵan asa qyzyqpap edim, alaıda brazılıalyqtyń búgingi jeńisinen keıin qyzyǵa bastadym jáne jerlesimizdiń kegin qaıtarýdy qalaımyn! Jeńil salmaqtaǵy Qytaıdyń úzdik aralas jekpe-jek sheberiniń aıqasyn kórsetetin ýaqyt jetti! Uıymdastyrýshylar, osy jekpe-jekti uıymdastyryńyzdar!» - dep jazdy Hamıtov óziniń Instagram paraqshasynda.
Eske sala ketetin bolsaq, Arman Ospanov keshe Almatyda ótken MMA Absolute Championship Berkut 69 jekpe-jek keshinde brazılıalyq Sılvadan jeńilip qalǵan edi. Bul Armannyń óz mansabyndaǵy alǵashqy jeńilisi bolyp sanalady.
