Musylmandar arasyndaǵy  bytyrańqylyq pen konfesıaǵa bólinýdi syrtqy kúshter óz múddesine paıdalanýda. Bul týraly búgin  elorda tórinde  bastalǵan Islam yntymaqtastyq uıymynyń ǵylym jáne tehnologıalar jónindegi birinshi samıtinde Qazaqstan Prezıdenti Nursultan Nazarbaev aıtty, dep habarlaıdy Qamshy.kz aqparat agenttigi  QazAqparatqa silteme jasaı otyryp.

«Shaqyrýymdy qabyl alyp, kúlli ıslam úmbetiniń  ajyramas bóligi sanalatyn  qonaqjaı qazaq eline, Astanamyzǵa kelgenderińiz úshin barshańyzǵa alǵysymdy bildiremin. Ókinishke oraı sońǵy kezderi  musylman úmbeti talaı aýyr synaqtarmen betpe-bet kelip otyrǵanyn bárimiz bilemiz. Birinshiden, ekstremıstik jáne terorıstik uıymdar keńinen etek alýda. Olardyń lańkestik áreketterinen birinshi kezekte musylman elderiniń ózderi  zardap shegip otyr», - dedi Nursultan Nazarbaev.

Memleket basshysy, ekinshiden, negizgi qaýip  musylmandardan tónip tur degen ıslamofobıalyq  pikir qoǵam ishinde, Batysta keń taralyp jatqanyn, Batys elderinde musylmandarǵa qarsy qylmystyq áreketter sany jyl saıyn kóbeıip otyrǵandyǵyn basa aıtty.

«Jaqynda Mánmada bolǵan shıeleniske qatysty alańdaýshylyǵymyzdy bárimiz bildiremiz. Barlyq tarapty  zorlyq-zombylyqty dereý toqtatyp, dıalogty Birikken Ulttar Uıymy aıasynda jalǵastyrýǵa shaqyramyz. Úshinshiden, 1,5 mıllıardtan astam adamdy biriktiretin ıslam álemi búginde, ókinishke qaraı, aýyz birshilik tanyta almaı otyr. Sodan biz kóp utylyp otyrmyz. Musylmandar arasyndaǵy  bytyrańqylyq pen konfesıaǵa bólinýdi syrtqy kúshter óz múddesine paıdalanýda. Biz muny artta qaldyrýymyz kerek», - dedi Qazaqstan Prezıdenti.