Jańa álipbı nusqasy negizinde Sh.Shaıahmetov atyndaǵy respýblıkalyq ortalyq qyzmetkerleri jáne syrttan shaqyrylǵan turǵyndar arasynda birneshe ret aprobasıa júrgizildi. Bul týraly Májiliste «Memlekettik tildiń latyn grafıkasyndaǵy álipbıiniń biryńǵaı standartyn engizý máseleleri týraly» parlamenttik tyńdaý barysynda atalǵan ortalyqtyń dırektory Erbol Tileshov málim etti.

«Jańa álipbı nusqasy negizinde Sh.Shaıahmetov atyndaǵy respýblıkalyq ortalyq  qyzmetkerleri jáne syrttan shaqyrylǵan turǵyndar arasynda birneshe ret aprobasıa júrgizildi.  Oǵan qatysýshylardyń kópshiligi osy nusqaǵa qoldaý bildirdi», - dep atap ótti tilderdi damytý respýblıkalyq ortalyǵynyń dırektory.

E. Tileshovtiń aıtýynsha, jańa álipbı qabyldaý, bir tańbalardy ekinshi tańbalarmen ǵana aýystyrý emes, ol - burynǵy álipbılerde jiberilgen emlege qatysty jańsaq jazýdy durystaý. Osy retten kelgende, álipbı jasaý jáne ony engizýmen birge jańa jazý erejeleri de qabyldanýy tıis.

«Qazaq álipbıiniń latyn grafıkasyndaǵy nusqasyn daıyndaý boıynsha ártúrli sala mamandarynan, mekemelerden kóptegen  usynystar boldy. Memlekettik tildiń biryńǵaı standartty álipbıiniń nusqasyn tańdaýda eń aldymen ǵylymı prınsıpter negizge alyndy. Sonyń nátıjesinde qazaq tiliniń dybystyq júıesine, jalpy álipbı túzýdiń teorıasy men praktıkasyna qurylǵan nusqa tańdap alyndy», - dedi ol.