QR Premer-Mınıstriniń orynbasary Erbolat Dosaev parlamenttik tyńdaýda latyn álipbıine qatysty sóz sóıledi, dep xabarlaıdy Qamshy.kz aqparat agenttigi.

«Prezıdent Nursultan Nazarbaev óziniń baǵdarlamalyq maqalasynda latyn álipbıin engizýdiń merzimin belgilegen bolatyn. Úkimettiń atalǵan tapsyrmany oryndaýǵa qatysty naqty kózqarasy bar. Latyn álipbıiniń biryńǵaı standarty bekitilgennen keıin ony birtindep engizý sharalary qolǵa alynady. Ol jospar barlyq salalardy qamtıdy. Sebebi til komýnıkasıanyń ámbebap quraly bolyp sanalady», - dedi Dosaev búgin QR Parlament Májilisindegi latyn álipbıiniń biryńǵaı standartyn engizý máselelerine arnalǵan qoǵamdyq tyńdaýda. Onyń aıtýynsha, biryńǵaı standart bekitilgen boıda bilim berý salasyna qatysty biraz sharalardy atqarý qajet. Aldymen maman daıarlaý máselesine basa nazar aýdarǵan jón. Osydan keıin ol bilimdi xalyq arasynda keńinen taratý qajet.

«Osy oraıda latyn álipbıin meńgerý boıynsha oqý-ádistemelik quraldardy, mobıldi qosymshalar men aqparattyq baǵdarlamalardy shyǵarǵan mańyzdy. Atalǵan sharalardyń barlyǵy ýaqytyna qaraı úılestiriledi jáne bir-birimen baılanystyrylady. Osynyń arqasynda biz latyn álipbıin júıeli túrde engize alamyz», - dep atap kórsetti Úkimet basshysynyń orynbasary.