KAZ Minerals toby jańa qarjylyq dırektor men táýelsiz atqarýshy emes dırektordy taǵaıyndaý týraly habarlaıdy. Buǵan deıin, ıaǵnı 2017 jylǵy 27 sáýirde, kompanıa Saımon Hıldyń Dırektorlar keńesiniń tóraǵasy laýazymynan ketýi jáne bul qyzmetke Oleg Novachýktyń taǵaıyndalýy týraly, Maıkl Lınch-Belldiń basqarma tóraǵasynyń orynbasary, al Endrú Saýzamnyń Toptyń basqarma tóraǵasy bolyp taǵaıyndalýy týraly habarlanǵan dep jazady Qamshy.kz aqparat agenttigi.
Djon Hedfıld 2017 jyldyń 20 qazanynda kelip, 2018 jylǵy 1 qańtardan bastap bas qarjy dırektory laýazymyna taǵaıyndalady. Qazirgi ýaqytta Helfıld myrza Intertek kompanıasynyń brıtandyq bólimshesinde qarjy dırektory bolyp jumys isteıdi. Buǵan deıin ol 14 jyl boıy BG Group jáne Royal Dutch Shell kompanıalarynda túrli qarjylyq laýazymdarda jumys istegen. Onyń ishinde Avstralıanyń Kvınslend shtatyndaǵy quny $20 mlrd gaz jobasynda qarjylyq baqylaýshy jáne BG Group-tyń Ulybrıtanıa men Norvegıadaǵy barlaý jáne óndirý bólimshelerinde qarjy jónindegi vıse-prezıdent bolǵan. BG kompanıasy Shell-dyń quramyna kirgennen keıin Djon Hedfıld Shell-dyń Ulybrıtanıa men Irlandıadaǵy barlaý jáne óndirý bólimshelerindegi qarjylyq komandalaryn qaıta qurýǵa jaýapty boldy.
Elıson Beıker Táýelsiz atqarýshy emes dırektor jáne Aýdıt jónindegi komıtettiń múshesi retinde Dırektorlar keńesine 2017 jylǵy 9 qazannan bastap keledi. Beıker hanymnyń aýdıt, kapıtal naryqtary jáne konsýltasıalyq qyzmetter salasyndaǵy 25 jyldyq eńbek ótili bar. Ol PricewaterhouseCoopers-tyń Ulybrıtanıadaǵy munaı-gaz baǵytyn jáne EBVA-ny basqarǵan. Buǵan deıin Ernst & Young-ta energetıka, komýnaldyq qyzmetter jáne paıdaly qazbalardy óndirý salasynda jumys istedi. Elıson Beıkerdiń damýshy naryqtar, onyń ishinde Qazaqstannyń energetıkalyq jáne taý-ken ónerkásibi sektorlaryndaǵy tájirıbesi de bar.
KAZ Minerals Tobynyń basqarma tóraǵasy Oleg Novachýk bylaı dep málimdedi: «Men Djon Hedfıld pen Elıson Beıkerdi KAZ Minerals-ta qarjy dırektory jáne táýelsiz atqarýshy emes dırektor retinde kórýge asyqpyn. Djon da, Elıson da kompanıa damýynyń kelesi satysynda Topqa mol tájirıbe ákeledi dep senemin».
