Memlekettik departament Phenánnyń "AQSH KHDR-ǵa soǵys jarıalady" degen sózin joqqa shyǵardy. Bul týraly AQSH Memlekettik departamentiniń Shyǵys Azıa jáne Tyny muhıty óńiri isteri jónindegi búro tóraǵasy Katına Adams málimdedi, - dep habarlaıdy Tengrinews.kz. "AQSH Soltústik Koreıaǵa soǵys jarıalaǵan joq", - dep málimdedi Adams. Onyń aıtýynsha, halyqaralyq keńistikte eshkimniń de ushaqtar men kemelerge oq atýǵa quqyǵy joq. Adams amerıkalyq taraptyń Koreı túbeginde ıadrolyq qarýdan beıbit túrde bas tartý úshin jumys istep jatqanyn atap ótti.  Al munyń aldynda KHDR SİM basshysy Lı En Ho AQSH prezıdenti Donald Tramp Soltústik Koreıaǵa soǵys jarıalady dep málimdep, osyǵan baılanysty Phenánnyń jaýap sharalaryn, onyń ústine KHDR áýe keńistiginen tys aımaqtarda amerıkalyq bombalaýshylardy atyp qulatýǵa quqyly ekenin aıtqan edi.