Astana ákimdigi málimdegendeı, qazirgi ýaqytta Astananyń energıa kózderi, ınjenerlik jelileri men tirshilik etýdi qamtamasyz etý nysandary 2017-18 jyldardaǵy jylý maýsymyn bastaýǵa daıyn, dep jazady Qamshy.kz aqparat agenttigi.
Astana qalasyndaǵy Jylý maýsymyn ótkizý qaǵıdalaryn boıynsha syrtqy aýa temperatýrasy ortasha +10 °S jáne odan da tómen bolǵanda bes táýlik ishinde jergilikti atqarýshy organmen jylý maýsymyn bastaý týraly sheshim qabyldanady. Osy qaǵıdalarǵa sáıkes, osy maýsymda jylýdy qosý merzimi 27 qyrkúıekte bastalady. Alaıda syrtqy aýanyń oń temperatýrasynyń ósýimen bul merzimder túzetilýi múmkin, dep habarlaıdy qala ákimdiginiń resmı ınternet-resýrsy.
Degenmen qazirgi ýaqytta áleýmettik mádenı turmys nysandaryna (balalar baqshalary, mektepter, basqa balalar jáne oqý oryndary, sondaı-aq densaýlyq saqtaý nysandary) jylý berý júzege asyrylady. Qala ákimdigi PIK ótinimi boıynsha daıyndyq pasporttary bolǵanda jeke úılerge de bir ýaqytta jylý berýge daıyn.
Pikir qaldyrý