Respýblıka terıtorıasynyń basym bóliginde jaýyn-shashynsyz aýa raıy kútiledi, tek  batys jáne ortalyqta atmosferalyq fronttardyń ótýine baılanysty keı jerlerde jańbyr kútilýde. Respýblıkanyń keı jerlerinde tuman, jeldiń kúsheıýi bolady. Bul týraly Qamshy.kz aqparat agenttigi Kazgıdrometke silteme berip habarlaıdy.

Jambyl, Ońtústik-Qazaqstan, kúndiz Mańǵystaý, Batys-Qazaqstan oblystarynyń keı jerlerinde jel 15-23 m/s jetedi. Qostanaı oblysynyń keı jerlerinde tuman bolady, jeldiń kúshi 15-20 m/s jetedi. Shyǵys-Qazaqstan, túnde jáne tańerteń Qaraǵandy oblaystarynyń keı jerlerinde tuman bolady.

 Almaty, Qyzylorda, Ońtústik-Qazaqstan oblystarynda túnde keı jerlerinde 2 gradýsqa deıin úsik júrý qaýipi kútiledi.

Ońtústik Qazaqstan, Qyzylorda, Jambyl oblystary, jáne Almaty oblysynyń keı jerlerinde óte joǵary órt qaýipi saqtalady.