Qytaı bıligi QHR Komýnıstik partıasynyń kezekti sezine baılanysty WhatsApp messendjerin buǵattap tastady, dep jazady Qamshy.kz aqparat agenttigi The New York Times basylymyna silteme jasap.

WhatsApp – Facebook kompanıasyna tıesili messendjer. Atalmysh jeli Qytaı elinde 2009 jyly buǵattalǵan bolatyn. Derekterge sáıkes, WhatsApp messendjeri – Qytaıda Facebook-tiń buǵattalmaǵan sanaýly servısteriniń biri edi. Sonymen qatar, bul elde Instagram jelisi de buǵattalǵan.

Shilde aıynyń ortasyna qaraı Qytaı bıligi vıdeoqońyraýlar men WhatsApp jelisi arqyly túrli sýretterdi, kartınalardy jiberýge tyıym salǵan, alaıda bul jeli arqyly mátindi habarlama jiberýge ruqsat bar edi.

Basylymnyń habarlaýynsha, Qytaıda ınternet jelilerin jıi-jıi buǵattap tastaıdy. Alaıda barlyǵyn birden buǵattamaı, aqyryndap, kezeń-kezeńimen jaýyp otyrady. Tek solaı ǵana bul jeliler adamdarǵa paıdasyz kúıge túsip, halyq áleýmettik jelilerdi qoldanýdy toqtatady. Halyq tek bılik ruqsat etken jelilerdi ǵana padalanýǵa quqyly bolady.