«Ystanbul joǵyrǵy soty dúısenbi kúni Túrkıanyń «Cumhuriyet» opozısıalyq basylymynyń  jýrnalısi Kadrı Gúrseldi túrmeden bosatty» - dep habarlaıdy Qamshy.kz aqparat agenttigi.

Sot Túrkıanyń eń bedeldi jýrnalıseriniń biri Gýrseldi 11 aıdan soń bosatylǵanyna qaramastan, ol áli de terrorlyq toptarmen baılanysty degen kúdikpen bostandyqqa shyqqan soń da baqylaýda bolatyndyǵyn málimdedi.

Elbasy Rejep Erdoǵandy tereń synǵa alǵan «Cumhuriyet» gazeti qyzmetkeriniń sot prosesi 31-shi qazanǵa deıin toqtatyldy.

Otyz jyl tájirıbesi bar jýrnalıs Gýrseldi, dúısenbide Stambuldyń Sılvı túrmesinen resmı túrde  bosatqannan soń, ony týystary men áriptesteri qarsy aldy.

 Kútip alýshylarǵa qarap Gýrsel: «Bul eshqandaı da qýanarlyq jaǵdaı emes, sebebi, kóptegen «Cumhuriyet» gazetiniń jýrnalıseri jazyqsyz qýdanalyp, ádiletsiz jazaǵa tartylyp jatyr»- dedi.

Ardager jýrnalıs qatań saıası qyspaqqa qaramastan jaza berýdi jalǵastyratyndyǵyn aıtty.

Gýrsel qamaýǵa alynǵan  Stambuldaǵy sot ǵımaratynyń janynda 200-ge jýyq adam jınalǵan edi, olar jýrnalısiń portretteri jáne «Jýrnalıserge arnalǵan erkindik» jáne «Táýelsiz baspasózdi joqqa shyǵarý múmkin emes» degen urandary bar bannerlermen kelgen bolatyn.

P24 baspasóz bostandyǵy tobynyń derekteri boıynsha, Túrkıada 171 jýrnalıs sottalǵan, onyń kópshiligi 2016 jyldyń 15 shildesinde tóńkeris áreketinen soń tótenshe jaǵdaıǵa baılanysty qamaýǵa alynǵan.