Asa aýyr salmaqta álemniń burynǵy absolút chempıony Maık Taıson qazaqstandyq boksshy Gennadıı Golovkınniń stıli unaıtynyn aıtty, - dep habarlaıdy Qamshy.kz aqparat agenttigi  Vesti.kz málimetine súıenip. 

Onyń pikirinshe, Golovkın salmaq kategorıasyna qaramastan, pound-for-pound boıynsha úzdik boksshy. 

"Men Golovkınniń fanatymyn. Búginde ol pound-for-pound boıynsha úzdik. Rıngte ol jáı ǵana jaýynger emes, naǵyz janalǵysh. Ol rıngke upaı aıyrmasymen jeńýge shyqpaıdy, qarsylasyn joıyp jiberýdi maqsat tutyp kóteriledi. Golovkın kórermenge qalaýyn bere alady", - dep keltiredi Taısonnyń sózin Notifight.

Al munyń aldynda orta salmaqta álemniń burynǵy chempıony amerıkalyq Fernando Vargas Golovkındi jekpe-jekteriniń áseri boıynsha dál osy Taısonmen salystyrǵan edi. Mundaı uqsastyqty WBA, IBF jáne IBO boıynsha álem chempıony, ulybrıtanıalyq boksshy Entonı Djoshýa da baıqaǵan. 

2015 jyldyń sáýirinde Taıson Golovkındi "ańyzǵa aınalǵan keıipker" dep ataǵan. Al GGG ózin ekinshi Taıson dep sanamaıtynyn aıtqan. .