Pavlodarda qalalyq mektepterdiń oqýshylary bir apta boıy kemede sabaq oqýda, dep habarlaıdy  Qamshy.kz aqparat agenttigi pavlodarnews.kz málimetine súıenip.

Atalmysh oqý aptalyǵyn Pavlodar geografıa úıi mańynda qurylǵan «Farvater» Ertis ólketaný akademıasy ótkizýde.

Biz eki jyl boıy osy jobany iske asyrý úshin daıyndaldyq, - deıdi Pavlodar geografıa úıiniń dırektory Aleksandr Vervekın.

"Maqsatymyz júzege asyp, Eýropalyq qaıta qurý banki men Qazaqstan Respýblıkasynyń bilim jáne ǵylym mınıstrligi qoldaý kórsetti. Qalalyq orta mektepterden 16 bala jınap aldyq, olardyń qatarynda ishki ister basqarmasynda esepte turǵandar da bar. Bir apta boıy olarǵa zoologtar, bıologtar, tarıhshy, ólketanýshylar Ertis ózeni boıynda leksıalar men tájirıbelik sabaqtar ótkizedi. Solaısha, oqýshylar kemege minip, týǵan qalamyzdyń tarıhymen tereńirek tanysa alady. Menińshe, oqýshylar arasynda mundaı joba elimizde tuńǵysh ret júzege asýda. Anyq bilerim, Reseıde stýdentterge osylaı sabaq ótkizedi, al, biz mektep qabyrǵasyndaǵy jastardy qamtyǵandy jón kórdik", dep málimdedi A. Vervekın. 

Aıta keteıik, búgin Ertis ózeniniń arǵy jaǵyna ótken soń oqýshylar jekeleı tapsyrmalar oryndap, muǵalimderdiń nusqaýlyǵymen sırek kezdesetin ósimdikterdi izdedi.