Astanada páter órtenip, 68 jastaǵy apa mert boldy, dep habarlaıdy Qamshy.kz aqparat agenttigi QazAqparat málimetine súıenip.

Astana qalalyq tótenshe jaǵdaılar departamenti málimetinshe, Beıbitshilik kóshesi boıyndaǵy 5 qabatty turǵyn úıdegi páterdiń órtenip jatqandyǵy týraly aqparat saǵat 9-27-de  túsken. Oqıǵa ornyna shuǵyl jetken órt sóndirýshiler 25 mınýttyń ishinde  qyzyl jalynnyń aldyn aldy. Tilsiz jaý 50 sharshy metr aýmaqty sharpyǵan.

«Ókinishke oraı órt ornynan 1939 jyly dúnıege kelgen áıeldiń múrdesi tabyldy.  Sonymen qatar tútindenýi deńgeıiniń joǵary bolýy saldarynan ıis tıý qaýpi de boldy. Kórshi páterden 2014 jyly dúnıege kelgen bala qutqaryldy», - delingen taratylǵan aqparatta.

Órtti sóndirýge 5 tehnıka men 20 órt sóndirýshi jumyldyryldy. Qazirgi ýaqytta oqys oqıǵanyń shyǵý sebepteri anyqtalý ústinde.