Seısenbi kúni Astana ákimi Áset Isekeshev Qazaqstan elordasynda 2017/18 j.  jylý maýsymynyń bastalýy týraly qaýlyǵa qol qoıdy, dep habarlaıdy Qamshy.kz aqparat agenttigi Astana qalasy  ákimdigi baspasóz qyzmetiniń málimetine súıenip.

«Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Qazaqstan Respýblıkasynyń 2001 jylǵy 23 qańtardaǵy zańyna, Astana qalasyndaǵy máslıhattyń 2014 jylǵy 27 maýsymdaǵy sheshimimen bekitilgen Astana qalasyndaǵy jylý maýsymyna daıyndyq jáne ótkizý qaǵıdalaryna sáıkes Astana qalasynyń ákimdigi Astana qalasynda 2017 jyldyń 27 qyrkúıeginen bastap 2017/18 j. Jylý maýsymynyń bastalýyn qaýly etti, - delingen astanalyq ákimdiktiń medıortalyǵynda ornalasqan qaýly mátininde.

Osyǵan oraı, qujatta «Astana qalasynyń Energetıka  basqarmasy» memlekettik mekemesine osy qaýlydan týyndaıtyn qajetti sharalar qabyldaý tapsyrylǵany aıtylady.

Qaýlynyń oryndalýyn baqylaý qala ákiminiń orynbasary Qosman Aıtmuhambetovke júkteldi.

Eske salatyn bolsaq, jýyrda mektepke deıingi mekemelerge, mektepterge, densaýlyq saqtaý jáne mádenıet nysandaryna jylý berý bastaldy.

Aldynda qalalyq energetıka basqarmasynda elorda mektepteriniń, aýrýhanalary men mádenıet nysandarynyń jylý maýsymyna 100%-daıyndyǵy týraly málimdengen. Kóp qabatty úıler de is júzinde jylý qabyldaýǵa tolyǵymen daıyn.