«Almatyda Dúnıejúzilik týrızm kúni aıasynda medısınalyq týrızm mektebi ashyldy»,-dep habarlaıdy QazTAG. Bul Qazaqstannyń Týrısik Qaýymdastyǵynyń (QTQ) usynysy bolatyn. Medısınalyq týrızm naryǵyndaǵy básekelestik ortanyń ósýi qyzmetterge baǵanyń tómendeýi men sapa deńgeıiniń artýyn májbúrleıdi, al naryqta osyndaı qyzmetti usynýǵa daıyn jańa elder paıda bolady.
Qazaqstan úshin medısınalyq týrızmdi belsendi damytý klınıkalardaǵy qyzmettiń sapany arttyrýǵa jáne sheteldik emdelýshilerdi tartýǵa múmkindik beredi. Osy másele baılanysty semınarda Medısınalyq týrızm agenttigi qaýymdastyǵynyń sarapshylarymen talqylandy.
Medısınalyq týrızmniń qyzmetine úlken suranys muqıat ádis-tásildi jáne mamandardyń sertıfıkattalýyn talap etedi. Osy salanyń damýy sapaly usynystarǵa baılanysty.
Osyǵan oraı, búgin AstanaLeisure2017 Qazaqstanda medısınalyq týrızm mektebiniń ashylýyn ótkizdi – bul teńdesi joq joba, onyń basty maqsaty sapaly qyzmetti odan ári damytý úshin medısınalyq týrızmniń sektorynda qatysatyn jeke tulǵalar men uıymdar úshin standarttardy ornatý bolyp tabylady.
Budan basqa, 29 qyrkúıekke deıin jalǵasatyn kórmede áýe kompanıalar men týrısik agenttikter kelýshilerge operasıalyq qyzmetiniń nátıjeleri týraly málimet beredi. Mysaly, Astana Konvenshn Búro kórmesiniń seriktesi Astana Leisure 2017 iskerlik baǵdarlamasynyń aıasynda Astana qalasynyń týrısik áleýetin usynatyn bolady.
Osy jyly Egıpetten kelgen kompanıa tobynyń qatysatyndyǵyn atap ótken jón. Sonymen qatar, Reseı óńirleri: Krasnoıar ólkesi, Chelábi oblysy, Tatarstan Respýblıkasy jáne Altaı-West shıpajaıy aýqymdy týrısik usynystarymen keldi.
İskerlik baǵdarlamanyń aıasynda AstanaLeisure 2017 qatysýshylary men kelýshileri jańa bıznes baılanystaryn retteýge, halyqaralyq jáne qazaqstandyq týrısik kompanıalarmen kelisimsharttardy jasaýǵa, sonymen qatar, týrızm salasyndaǵy ınovasıalarmen bólisýge múmkindik alady.
AstanaLeisure 2017 kórmesiniń uıymdastyrýshylary men resmı qoldaýshylary: Qazaqstan Respýblıkasy Mádenıet jáne sport mınıstrligi, Dúnıejúzilik týrısik uıymy (IýNVTO), Astana qalasynyń ákimdigi jáne ITE Group (Ulybrıtanıa) pen Iteca (Qazaqstan) kórme kompanıalary.
