Qyrkúıek aıynyń 28-juldyzy qazaqtyń bir emes, úsh jazýshysy dúnıege kelgen kúni. Muhtar Áýezovtiń, Oralhan Bókeıdiń jáne  Sherhan Murtazanyń  týǵan kúni. Qabdesh Jumadilovtyń sózimen aıtqanda dál osy kúni «qazaqqa Muhtar Áýezovti syılaǵan Qudaı Oralhan Bókeı men Sherhan Murtazany da bere salypty» degen bolatyn.

Muhtar Omarhanuly Áýezov – qazaqtyń uly jazýshysy, qoǵam qaıratkeri, ǵulama ǵalym, Qazaqstan ǵylym akademıasynyń akademıgi. Qazirgi Shyǵys Qazaqstan oblysynyń Abaı aýdanyndaǵy Bórili degen jerde  dúnıege kelgen. Muhtar Áýezovtyń «Abaı joly» roman-epopeıasy ondaǵan tilge aýdarylyp, qazaq ádebıetin álemge tanytty. Áýezovtiń «Abaı jolynan» bólek, irili-shaǵyndy kóptegen shyǵarmalary aǵylshyn, fransýz, orys, parsy jáne t.b. tilderge aýdarylyp basylǵan.

Altaıdyń aqıyǵy Oralhan Bókeı 1943 jyldyń 28 qyrkúıeginde Shyǵys Qazaqstan oblysy Qatonqaraǵaı aýdanyna qarasty Shyńǵystaı aýylynda ómir esigin ashqan. Jazýshy – dramatýrg, jýrnalıs, Qazaqstan Respýblıkasy memlekettik syılyǵynyń laýreaty, Qazaqstan Respýblıkasy Jastar syılyǵynyń laýreaty, N.Ostrovskıı atyndaǵy Búkilodaqtyq ádebı syılyqtyń laýreaty.

Qara sózdiń qarageri, shyndyqtyń shyraqshysy atanǵan aqsaqalymyz búgin 85 jasqa tolyp otyr. Sherhan Murtazauly Murtaza – jazýshy, qoǵam qaıratkeri, QR-nyń eńbek sińirgen mádenıet qyzmetkeri, Qazaqstannyń halyq jazýshysy.  Sherhan Murtaza 1932 jyly Jambyl oblysy Jýaly aýdany Talapty aýylynda dúnıge kelgen.