Muhtar Áýezov atyndaǵy teatrda belgili memlekettik jáne qoǵam qaıratkeri Uzaqbaı Qaramanovtyń saparǵa shyǵaryp salý rásimi ótti. Onymen qoshtasýǵa Úkimet músheleri, Parlament depýtattary, qoǵam qaıratkerleri, týystary, dostary men jaqyndary keldi. Qazaqstan Respýblıkasynyń Prezıdenti Nursultan Nazarbaevtyń kóńil aıtý jedelhatyn Almaty qalasynyń ákimi Baýyrjan Baıbek oqydy.
Jedelhatta Qazaqstan Prezıdentiniń kórnekti memleket jáne qoǵam qaıratkeri Uzaqbaı Qaramanovtyń dúnıeden ótkeni týraly habardy zor kúızelispen qabyldaǵany aıtylǵan.
«Uzaqbaı Qaramanuly búkil ǵumyryn halqy men týǵan eliniń ósip-órkendeýine arnady. Ol óziniń zor uıymdastyrýshylyq qabileti men qoǵamdaǵy bedeliniń arqasynda kóptegen joǵary laýazymdy memlekettik qyzmette bolyp, ózine júktelgen mindetterdiń barlyǵyn abyroımen atqara bildi», – delingen jedelhatta.
Memleket basshysy qazaqstandyqtar onyń esimi men el aldyndaǵy eńbegin árdaıym este saqtaıtynyn atap ótti.
QR Premer-Mınıstri Baqytjan Saǵyntaevtyń jedelhatyń ınvestısıalar jáne damý mınıstri Jeńis Qasymbek oqyp berdi.
«Uzaqbaı Qaramanulynyń otbasyna kóńil bildiremin, talantty memlekettik jáne qoǵamdyq qaıratker bola otyryp, ol Qazaqstannyń kórkeıýine óziniń bilimi men baı tájirıbesin qoldanǵan. Onyń jarqyn beınesi árqashan eldiń esinde qalady» - jedelhatta aıtylǵan.
«Búgin ákimizben qoshtasyp jatyrmyz. Barsha qazaqstandyqtarǵa kóńil bólgederińizge kóp rahmet. Barlyq jerde ony bilip, kóbisi onymen jumys istep, aıryqsha senim bildirdi. Ol barlyǵyn qoldap, jaqsylyq jasaǵan. Adamdar ol kórsetken kóńil men qamqorlyqty esterine alyp, onyń qasyna keldi. Osy qasıetterine qarap, Prezıdent ony premer-mınıstr etip tańdady, ákem qyzmetinde senimdi, shymtezek adam boldy. Atap aıtarlyq, birinshi bolyp kóńil aıtý Qazaqstan Respýblıkasynyń Prezıdenti Nursultan Nazarbaevtan túskeni mańyz», - deıdi kórnekti memlekettik jáne qoǵam qaıratkeriniń uly Nurlan Qaramanov.
Óz kezeginde, memleket qaıratkeri Asqar Qulybaev, Májilis depýtaty Baqtyqoja İzmuhambetov, Qyzylorda oblysynyń ákimi Qyrymbek Kósherbaev jáne taǵy basqalary, Uzaqbaı Karamanovtyń úlken júrekti adam bolǵandyǵyn, búkil ómirin Qazaqstannyń ıgiligi úshin arnaǵandyǵyn atap ótti.
Uzaqbaı Qaramanov 2017 jyly 25 qyrkúıekte 80 jasynda qaıtys boldy. Eńbek jolyn Aqtóbe oblysyndaǵy Shubar-Kýdýn avtosalonynyń bastyǵy bolyp bastady. Ár jyldary «Almatorpromstroı» tresiniń qurylys materıaldary men qurylys jumystarynyń dırektory bolyp jumys istedi. Sodan keıin Qazaq KSR Mınıstrlikterinde birqatar laýazymdarda boldy. 1987 jyly QazSSR-niń Gossnab tóraǵasy, 1989 jyly QazKSR Mınıstrler Keńesiniń tóraǵasy, al 1990 jyly - QazKSR-niń premer-mınıstri bolǵan. Táýelsizdik jyldarynda Aral teńizin saqtaý jónindegi Halyqaralyq qordyń prezıdenti jáne Májilis depýtaty boldy. Qaramanov «Kensaı» zıratynda jerlengen.
