Germanıa astanasy mańyndaǵy Sheneberg aýdanynda Ekinshi Dúnıejúzilik soǵys kezine tıesili snarád tabylǵannan keıin jarylǵysh zatty isten shyǵarý úshin 10 myń adam qaýipsiz jerge kóshirildi, dep jazady Qamshy.kz aqparat agenttigi Tagesspiegel málimetine súıenip.
Bomba 2 qazan kúni saǵat 11.30 shamasynda Vılmersdorf temir jol stansasy mańynda qurylys jumystary barysynda tabyldy.
Salmaǵy 250 keli bolatyn jarylǵysh zat eski temir jol relsteriniń astynda jatqan. Polısıa qyzmetkerleri jergilikti turǵyndardy qaýipsiz jerge kóshirýdi 17:20 shamasynda bastaǵan.
Sonymen qatar, atalmysh aýdanda kólik qozǵalysy da toqtatylǵan.
