Jıynda qaýipsizdikti qamtamasyz etý salasyndaǵy jahandyq faktorlardy qamtıtyn ózekti máseleler, sondaı-aq tabıǵı jáne tehnogendik sıpattaǵy tótenshe jaǵdaılarǵa qarsy turý barysynda qoldanylatyn kúshter men quraldardyń qazirgi ahýaly talqylandy.
Bul týraly Aqordanyń baspasóz qyzmeti habarlady.
– Biz búgin elimizdiń barlyq kúshterin túrli tótenshe jaǵdaılarǵa qarsy turýǵa jáne jumyldyrýǵa daıyndyǵyn talqylaıtyn bolamyz. Sonymen qatar, Qazaqstannyń Qaýipsizdik keńesiniń róli men mártebesin odan ári arttyrý jónindegi máseleler qarastyrylady, – dedi Nursultan Nazarbaev.
Keńeste Elbasy «EKSPO-2017» halyqaralyq kórmesin ótkizý barysynda qaýipsizdikti oıdaǵydaı qamtamasyz etkeni úshin quqyq qorǵaý jáne arnaýly organdardyń qyzmetkerlerine alǵys aıtty.
Jıyn qorytyndysy boıynsha Qazaqstan Prezıdenti birqatar naqty tapsyrma berdi.
Pikir qaldyrý