AQSH-tyń memlekettik basqarmasy «Djebhat an-Nýsramen»  baılanysy bar terrorısterdiń Sırıadaǵy Idlıb aımaǵynda hımıalyq qarý qoldanǵandyǵyn birinshi ret moıyndady,- dep Qamshy.kz aqparat agenttigi Interfaksqa silteme bere otyryp jazady.

Bul jóninde Reseı qorǵanys mınıstrliginiń ókili Igor Konashenkov amerıkalyq syrtqy saıası ókilderdiń Sırıaǵa barýdan bas tartýyn dálelge keltirip aıtty.

Reseı qorǵanys mınıstrliginiń ókili Igor Konashenkov: «Amerıka  memlekettik basqarmasy «Djebhat an-Nýsranyń» terakt jasaý barysynda Sırıada hımıalyq qarýdyń qoldanǵanyn alǵash ret rastady, alaıda budan buryn da biz bul aqparatty san ret aıtqan bolatynbyz».

Oǵan qosa, Igor Konashenkov AQSH memlekettik basqarmasynyń Reseı áýe soqqylary jónindegi málimdemesin joqqa shyǵardy.

Ol: «Reseılik avıasıa Sırıadaǵy aımaqtarǵa eshqandaı da áýe soqqysyn jasaǵan joq, kerisinshe, AQSH koalasıasy  ondaǵy Rakka aımaǵyn jer betinen joıyp jiberdi»,- dedi.