Sybaılas jemqorlyqqa qarsy is-qımyl ulttyq búrosy Almaty qalasy men Shyǵys Qazaqstan oblysynyń burynǵy ákimi Vıktor Hrapýnov pen onyń jary Leıla Hrapýnovtarǵa qatysty qylmystyq isti tergep jatyr. Bul týraly vedomstvonyń baspasóz qyzmeti habarlaıdy, dep jazady Qamshy.kz aqparat agenttigi.
«Qazirgi ýaqytta tergeý barysynda asa aýyr qylmystarǵa barǵany týraly jınalǵan dáleldemeler Vıktor Hrapýnovtyń QR QK 235-baby (bir nemese birneshe qylmys jasaý maqsatynda uıymdasqan top qurý nemese basshylyq etý), 176-baby (senip tapysyrylǵan múlikti ıemdený nemese urlaý), 177-bap (alaıaqtyq), 193-baby (zańsyz jolmen alynǵan aqshany nemese ózge múlikti legalızasıalaý), 307 (qyzmet ókilettiligin asyra paıdalaný) jáne 311 (para alý) baptary boıynsha qylmystyq áreketter jasaǵanyn anyqtaýǵa múmkindik berdi.
Jary Leıla Hrapýnovanyń áreketteri 235 (bir nemese birneshe qylmys jasaý maqsatynda uıymdasqan top qurý nemese basshylyq etý), 177 (alaıaqtyq) jáne 193 (zańsyz jolmen alynǵan aqshany nemese ózge múlikti legalızasıalaý) baptary boıynsha aıyptaldy.
Ulttyq búro anyqtaǵandaı, kúdikti Hrapýnovtar men İlıasovanyń Qazaqstannan tys aýmaqtan tabylǵanyna jáne Sybaılas jemqorlyqqa qarsy qyzmet kórinisterinen jaltarǵandary úshin QR QK 206-babynyń 8 bólimine sáıkes, prokýrordyń kelisimimen buqaralyq aqparat quraldarynda olardyń is-áreketteriniń biliktiligi jaıynda habarlama jarıalandy.
Úkimniń jarıalanýyna qatysý úshin jáne qajetti tergeý áreketterin júrgizý úshin kúdikti V. Hrapýnov, L. Hrapýnova jáne A. İlıasov 2017 jyldyń 24 qazanyna deıin Sybaılas jemqorlyqqa qarsy is-qımyl ulttyq búrosynyń myna mekenjaıdaǵy ákimshilik ǵımaratyna kelýi tıis: QR, Astana q., Seıfýlıın kóshesi, 37.
Budan buryn Hrapýnovtar sybaılas jemqorlyqqa qarsy qyzmettiń tergeýine shaqyrylǵan, alaıda olar belgilengen ýaqytta kelmegen, ári sebebin de túsindirmegen.
19 qazanda Hrapýnovtarǵa qatysty qylmystyq is sotqa jiberilgen. Olarmen birge Hrapýnovtyń qol astynda qyzmet atqarǵan 14 adam sotqa tartyldy. Barlyq faktiler egjeı-tegjeı zertteldi.
