Dramatýrgtyń týyndylaryna arnalyp ótkiziletin sabaqtar lep belgilerimen jáne úshburyshtarmen belgilenedi.
Bı-bı-sıge súıengen Qamshy.kz aqparat agenttigi habarlaýynsha, Kembrıdj ýnıversıtetiniń stýdentterine Ýılám Shekspır pesalarynda seksýldyq zorlyq-zombylyqtyń bar ekendigi aıtylyp jatyr.
Sabaq kestesindegi aqynnyń týyndylaryna arnalǵan dárister arnaıy belgilermen syzylýda, olar qyzyl úshburyshtar men lep belgileri. Bul tańbalarmen stýdentterge jaǵymsyz bolýy múmkin sabaqtar belgilenýde.
Kembrıdjdiń óz atyn qupıa ustaýdy ótingen muǵalimi ýnıversıtet basshylyǵynyń mundaı qadamǵa barýyn jaqtamaıtynyn aıtty. Sebebi «stýdentterdi shynaıy ómirge beıimdeý úshin olardy úsh jyl boıy qorǵashtap bilim berýdiń qajeti joq» deıdi ol. Kembrıdjdegi Shekspır festıvaliniń basshysy Devıd Krıllı de bul sheshimge narazylyǵyn bildirdi.
Ol: «Aǵylshyn ádebıeti kýrsynyń stýdenti «Tıt Andronıkte» zorlyq bar ekendigin bilmese, onyń bul kýrsta ne qyp júrgeni belgisiz» dedi.
Osy ispettes synnyń kóbeıip ketýinen, JOO baspasóz qyzmeti bul sheshimdi júzege asyrý mindetti emes ekendigin jáne ony muǵalimniń ózi sheshetindigin málimdedi.
