QR Úkimetiniń Qaýlysymen Áltaev Nurjan Baýyrjanuly Qazaqstan Respýblıkasy aýyl sharýashylyǵy vıse-mınıstri qyzmetine taǵaıyndaldy, — dep habarlaıdy Qamshy.kz aqparat agenttigi primeminister.kz saıtyna silteme jasap.

Nurjan Áltaev 1978 jyly Ońtústik Qazaqstan oblysynda dúnıege kelgen. 2004 jyly M. Áýezov atyndaǵy Ońtústik Qazaqstan memlekettik ýnıversıtetin, 2012 jyly - Akademıalyq ınovasıalyq ýnıversıtetti támamdaǵan. Mamandyǵy - zańger, ekonomıs.

Eńbek jolyn 2002 jyly bastady. 2005-2012 jyldary memlekettik organdarda ár túrli qyzmetter atqarǵan, ulttyq kompanıalarda jumys istegen. 2012-2014 jyldary "Kásipkerlerge qyzmet kórsetý ortalyǵyn", Ońtústik Qazaqstan oblysynyń Kásipkerler palatasyn basqardy.

2014 jyldyń naýryzynan bastap osy ýaqytqa deıin "Atameken" QR Ulttyq kásipkerler palatasynyń basqarma tóraǵasynyń orynbasary bolyp istegen.