Change.org saıtynda «Máskeýde Ózbekstannyń tuńǵysh prezıdenti Islam Karımov eskertkishin ornatýǵa qarsylyq» degen taqyrypta petısıa paıda boldy. Sharanyń bastamashysy - LDPR partıanyń múshesi Georgıı Gorodeskıı. Ol Reseı astanasynda «rýsofob jáne dıktator» Islam Karımovke músin ornatylmaıdy dep málimdedi, dep jazady Qamshy.kz aqparat agenttigi Azattyqqa silteme jasap.
Munan bólek, ol Reseı «orys tilinde oqı da, jaza da almaıtyn mádenıetsiz ózbekterge» vızalyq rejım engizý kerek dep esepteıdi. Petısıaǵa qazirge deıin 6 myń adam qol qoıǵan.
2016 jyldyń 1 qarashasynda Máskeý meri Sergeı Sobánın Ózbekstan elshiliginiń aldyna 2019 jyldyń 31 jeltoqsanyna deıin Islam Karımov eskertkishin ornatý jóninde buıryq shyǵarǵan.
Ózbekstan tarapy músindi salýǵa 35 mln rúbl bóledi. Al Máskeý búdjetinen gúlzardy bezendirýge aqsha bólinbek.
Nasıonalısty Rossıı sobıraıýt podpısı protıv ýstanovkı v Moskve památnıka Islama Karımový https://t.co/sD2MzGmQTb
— Qamshy AA (@qamshy) November 9, 2017
Reseıde 2 mıllıonǵa jýyq ózbek dıasporasy turady. Resmı málimet boıynsha, búgingi kúni onda 1 mln 700 ózbek eńbek mıgranty bar. Olardyń 200 myńy turaqty turady.
