Reseı prezıdenti men AQSH prezıdentiniń qaı kúni kezdesetini belgili boldy. Bul jaıynda Reseı prezıdentiniń kómekshisi Iýrıı Ýshakov málimdedi, dep jazady Qamshy.kz aqparat agenttigi Rıa Novostı málimetine súıenip.

Iýrıı Ýshakov dál qazir ońtaıly sheshimder qabyldaıtyn  ýaqyt dep málimdedi.

Eki eldiń basshylary Vetnamda ótetin Azıa-Tynyq muhıty ekonomıkalyq yntymaqtastyǵynyń samıtinde 10-11 qarashada kezdesetinin málimdeldi. Ýshakovtyń aıtýynsha, samıt kezinde Pýtın men Tramp arasynda mańyzdy kezdesý bolady.

Pýtınniń kómekshisi ekijaqty kezdesýdiń jekeleı ótetinine senim bildirip otyr. Sebebi arada talqylaıtyn máseleler bar dep málimdedi. Naqtylaı kele, áńgime eki elge (Reseı men AQSH) qatysty jáne odan bólek álemdegi basty máseleler talqylanbaq. Olardyń qatarynda KHRD men Sırıadaǵy jaǵdaıdy atap ótti.

Osy tusta Tramptyń kómekshisi Reks Tılerson «eki el arasynda talylaıtyn másele bar bolsa», kezdesýdiń bolatynyn málimdedi.

Biraz ýaqyt buryn AQSH kóshbasshysy Reseımen aradaǵy kelissózdiń mańyzdy ekenin málimdegen bolatyn.

Reseılikter búgingi tańda AQSH pen Reseıdiń qarym-qatynasyn «tómen dárejede» dep baǵalap otyr. 

Aıta ketsek, Tramp Qytaıǵa is-saparmen bardy. İs-sapar barysyndaamerıkalyq jáne qytaılyq kompanıalar  quny 9 mıllıard dollar bolatyn kelisimge qol qoıdy. Sonymen qatar, eki el quny 280 mıllıard dollar bolatyn kelisimge keletini jaıyndy habarlandy.