Qańtar aıynda qazaqstandyqtardy 12 demalys kúni kútedi: senbi (5 kún), jeksenbi (4 kún) jáne búkilhalyq bolyp atap ótken Jańa jyl (1-2 qańtar) jáne Rojdestvo (7 qańtar) merekeleri. Aqpan, sáýir, maýsym, qazan jáne qarasha aılarynda qandaı da bir merekelik demalystar joq. Sol sebepti, el turǵyndary tek senbi, jeksenbi kúnderi demalady. Qazaqstandyqtardy eń uzaq demalys naýryzda kútedi. Naýryz aıynda merekelik men demalys kúnderine oraı 13 kún demalys berilmek. 8 naýryz – Halyqaralyq áıelder kúni jeksenbige sáıkes kelgendikten, dúısenbi, 9 naýryz kúni de demalys bolmaq. Naýryz meıramyna oraı turǵyndar 5 kún demalady: 21-23 naýryz merekege oraı demalys, ıaǵnı, senbi jáne dúısenbi aralyǵy. Al merekeniń alǵashqy eki kúni demalys kúnderine tap kelgendikten, 24-25 naýryz kúnderi de demalamyz. Mamyr aıynda el turǵyndaryn úsh mereke kútip tur: 1 mamyr (juma) – Qazaqstan halyqtarynyń birligi kúni, 7 mamyr (beısenbi) – Otanqorǵaýshylar kúni, 9 mamyr – Jeńis kúni (senbi kúnine sáıkes kelgendikten, demalys 11 mamyrǵa aýystyrylady). Shilde, tamyz jáne qyrkúıek aılarynda bir-bir merekeden bar: 6 shilde - Astana kúni dúısenbige tap kelip tur. 30 tamyz kúni elimiz basty mereke – Konstıtýsıa kúnin atap ótedi. Mereke demalys kúnderine sáıkes kelgendikten, taǵy bir kún artyq demalamyz. 24 qyrkúıek kúni musylmandardyń Qurban-aıt merekesi toılanady. Jeltoqsanda Tuńǵysh prezıdent kúni men Táýelsizdik kúni toılanady. Osylaısha, 2015 jyly mereke kúnderin qosa eseptegende, Qazaqstan turǵyndary 120 kún demalady. Derekkóz: Nur.kz