QR Din isteri jáne azamattyq qoǵam mınıstri Nurlan Ermekbaev Ábý-Dabıde Birikken Arab Ámirlikteriniń Toleranttylyq mınıstri Sheıh Nahaıan ben Mýbarak Ál Nahaıanmen kezdesti.
Kezdesý barysynda Nurlan Ermekbaev din salasynda júzege asyrylyp jatqan memlekettik saıasat týraly baıandap, Qazaqstan men Birikken Arab Ámirlikteri arasyndaǵy ekijaqty yntymaqtastyqty damytýdyń mańyzdylyǵyn atady.
Qazaqstan men BAÁ kóp jaqty alańdarda, sonyń ishinde BUU (Birikken Ulttar Uıymy), IYU (Islam yntymaqtastyq uıymy), AÓSSHK-termen (Azıadaǵy ózara yqpaldastyq jáne senim sharalary jónindegi keńes) tıimdi yntymaqtastyq ornatyp, ózekti halyqaralyq máselelerdi sheshýde birlesip áreket etýdi úılestirýde.
Nurlan Ermekbaev Birikken Arab Ámirlikteriniń Toleranttylyq mınıstri Sheıh Nahaıan ben Mýbarak Ál Nahaıandy 2018 jyly 10-11 qazanda Astanada josparlanǵan VI Álemdik jáne dástúrli dinderdiń sezine qatysýǵa shaqyrdy.
Sonymen qatar, N. Ermekbaev Ábý-Dabıdegi QR Elshiliginiń uıymdastyrýymen ótken QR Táýelsizdigi kúni jáne Qazaqstan men BAÁ arasyndaǵy dıplomatıalyq qatynastardyń ornaǵanyna 25 jyl tolýyna arnalǵan resmı qabyldaýǵa qatysty.
Esterińizge sala keteıik, QR Din isteri jáne azamattyq qoǵam mınıstri Nurlan Ermekbaev Abý-Dabıde ótken musylman qoǵamynda beıbitshilikti nyǵaıtý boıynsha «Álemdik beıbitshilik jáne Islamofobıa» taqyrybyndaǵy IV halyqaralyq forýmǵa qatysty.
