Atyraý qalasynyń mańyndaǵy aýyldardyń sý qubyrlaryndaǵy aqaýlar túzelip, sý berile bastady, dep habarlaıdy Qamshy.kz aqparat agenttigi QazAqparatqa silteme jasaı otyryp.

Eske sala ketsek, qala mańyndaǵy Kýrılkıno, Vodnıkov, Vodnıkov-2, Kók Arna, Alǵabas jáne Tasqala aýyldarynda seısenbi kúni sý berý toqtatylyp, bul jaıt áleýmettik jelide qyzý talqyǵa túsken bolatyn. Jóndeý brıgadalary aqaý tabylǵan jerde jarty táýlikteı jumys istep, qubyrlardy retke keltirdi. Alaıda tańerteń Vodnıkov-2 aýylynda taǵy bir aqaý shyqty.

«Qazirgi sátte sýmen qamtý jelisindegi búkil tehnıkalyq aqaýlar joıyldy. Qala mańyndaǵy aýyldarǵa sý shtattyq rejımde berilip jatyr», - dep málimdedi «Atyraý sý Arnasy» KMK baspasóz qyzmeti.

Degenmen osy másele áleýmettik jelide kóp talqylanyp jatqan taqyryptardyń biri bolyp qalýda. Zardap shekken aýyldardyń turǵyndary qaqaǵan aıaz bolsa, byltyr qysta jatqyzylǵan qubyrlar muz qatqan topyraqtyń qysymyna tóze almaýy múmkin ekenin aıtyp, alańdap otyr.