QR Energetıka mınıstri Qanat Bozymbaev Astana aspanyn tumshalaǵan kók tútinnen qutylý joldaryn aıtty, dep habarlaıdy Qamshy.kz aqparat agenttigi Sputnik Qazaqstan saıtyna silteme jasaı otyryp.  

«Bul problemany sheshý joly – negizinen jeke sektor men otyn-energetıka keshenderine arnalǵan sapaly otyn. Iaǵnı Astanada kómir jaǵýdy qoıýdy kerek. Bul jerge gaz tartyp, onyń baǵasyn qoljetimdi etý kerek. Qazir bul jumys jalǵasyp jatyr, onyń ústine birinshi vıse-premer deńgeıinde talqylanýda», — dedi Bozymbaev úkimet kýlýarynda.  

Mınıstr atalǵan túıtkildi sheshýge qatysty usynysyn aıtty.

«Bizge suıytylǵan tabıǵı gaz kerek, propan-býtanmen shatastyrmańyzdar. Qazaqstanda ázirge ol óndirilmeıdi nemese Qostanaıda ony óndiretin zaýyt salyp, ony osy jerge ákelip, suıyltýǵa bolady. Árıne, bul biraz qymbatqa túsedi», — dedi Bozymbaev. 

Vedomstvo basshysy eger bul másele muqıat qaralmasa, jylý energıasynyń baǵasy kúrt ósip ketýi múmkin ekenin atap ótti. 

«Eger QazTransGaz salǵan qubyrlardyń TEN-ne qarasaq, bul gazdy jetkizý jylý qunynyń edáýir ósýine ákep soǵýy múmkin. Sondyqtan qazir bul prosesti arzandatý tásilderi qarastyrylýda. Kómir arzan energıa tasymaldaýshy ekeni túsinikti. Onyń ústine ol jaqyn, al gaz alysta. Biraq tańdaý jasaǵanda eń aldymen adam densaýlyǵy men ekologıany oılaý kerek», — dedi mınıstr. 

"Astanadaǵy kók tútin sizdi de mazalaı ma?" degen jýrnalısiń saýalyna mınıstr myrza "árıne" dep jaýap berdi.